Partia Demokratike e Kosovës (PDK) ka bërë me dije se me dhimbje kanë marrë lajmin për vdekjen tragjike të aktivistes së Gruas Demokratike dhe Degës së PDK-së në Gjilan, Arzie Nuhiu.

Me këtë rast, kjo parti duke e vlerësuar lartë kontributin Arzie Nuhiut ka ngushëlluar familjen dhe miqtë e saj.

“Aktiviste e devotshme dhe e përkushtuar, dashamirëse dhe punëtore. Të tillë do ta kujtojmë gjithmonë Arzien, e cila dha kontribut të madh edhe gjatë periudhës së angazhimit si asambliste e PDK-së në Kuvendin Komunal të Gjilanit. Ngushëllimet më të sinqerta për familjen Nuhiu, miqtë dhe bashkëpunëtorët e Arzies”, është thënë në njoftimin e PDK-së.