67-vjeçari Ravil Maganov, nënkryetar dhe drejtor i kompanisë së madhe ruse të naftës Lukoil, vdiq në Moskë, raportoi Reuters. Agjencia, duke iu referuar burimeve të saj, njoftoi se Maganov vdiq pasi ra nga dritarja në spital.

Gazeta ruse “Pravda” (foto) ka publikuar informacione se trupi i Maganov është gjetur pranë Spitalit Klinik Qendror në Moskë, ku ai ishte shtruar më parë.

Maganov ishte i punësuar në Lukoil kur u themelua në vitin 1993 dhe u bë drejtor në vitin 2020. Kompania nuk ka komentuar ende vdekjen e Maganov.

Që nga fillimi i agresionit rus, Lukoil ka kërkuar negociata dhe një zgjidhje paqësore të krizës, e cila ka një ndikim negativ në biznesin e energjisë.