Edhe një paciente e prekur me koronavirus ka ndërruar jetë sot në Kosovë.

Lajmi është bërë me dije nga Klinika Infektive e QKUK-së.

“Sot në orët e pasdites në Njësinë e Kujdesit Intensiv të kësaj klinike ka përfunduar me vdekje pacientja F.H.(1949) nga Komuna e Vushtrrisë.  Pacientja është hospitalizuar në Klinikën Infektive me datë 05.04.2020, e referuar nga Qendra Emergjente e Spitalit të Vushtrrisë. Pacientja ka qenë në gjendje të rëndë që nga pranimi në Klinikën Infektive, testi për SARS-CoV- 2 ka rezultuar pozitiv dhe përveç sëmundjes COVID-19 ka pasur edhe sëmundje të tjera shoqëruese”, është bërë me dije në njoftimin e Klinikës Infektive të QKUK-së.

Kjo është vdekja e njëmbëdhjetë e pacientëve me Covid-19 në Kosovë.

/Epoka e re/