Ka ndërruar jetë ish-luftëtari i UÇK-së, Azem Shala-Bali.

Lajmin e ka bërë me dije nënkryetari i komunës së Skenderajt, Sami Lushtaku.

“Më pikëlloi pa masë lajmi për vdekjen e mikut, bashkëluftëtarit, aktivistit politik, kryetarit të nëndegës së PDK-së në Kopiliq të Poshtëm”.

“Bali ishte prej luftëtarëve të dalluar të UÇK-së, njeri i vendosur e parimor, ishte kudo ku vendi kishte nevojë. Aktiviteti i tij politik dhe kontributi i tij për qytetarët e Kopiliqit dhe zonës përreth, për PDK-në dhe për Skenderajn do të mbetet i paharruar!”, ka shkruar Lushtaku në “Facebook”.