Ka vdekur në moshën 96-vjeçare ish-udhëheqësi i Kinës Jiang Zemin, i cili kishte ardhur në pushtet pas protestave në sheshin “Tiananmen”.

Media shtetërore ka raportuar se ai ka vdekur pak pas mesditës të së mërkurës.

Një nga figurat kryesore të historisë kineze në dekadat e fundit, ai ka kryesuar një kohë ku Kina ishte hapur në një shkallë të gjerë dhe pa rritje me shpejtësi të lartë.

Vdekja e tij vjen gjersa Kina po përballet me protestat më serioze që nga Tiananmen, me shumë sish që demonstrojnë kundër kufizimeve të Covid.

Jiang ishte ngritur në pushtet pas goditjes së përgjakshme të vitit 1989 ndaj protestuesve në dhe rreth sheshit Tiananmen të Pekinit, gjë që çoi në izolimin ndërkombëtar të Kinës.

Ngjarja kishte ndezur një luftë të ashpër për pushtet në krye të Partisë Komuniste të Kinës midis reaksionarëve të linjës së ashpër dhe reformatorëve.

Kjo ka bërë që Jiang, i cili fillimisht ishte parë si një burokrat i plogësht, të ngrihej në poste të larta. Ai ishte zgjedhur si një lider kompromisi, me shpresën se do të bashkonte vijën e ashpër dhe elementet më liberale.

Nën drejtimin e tij është krijuar një ekonomi e frikshme, me ç’rast komunistët kanë shtrënguar kontrollin e tyre mbi pushtetin dhe Kina zuri vendin e saj në tryezën e lartë të fuqive botërore.

Ai kishte mbikëqyr dorëzimin paqësor të Hong Kongut në 1997 dhe hyrjen e Kinës në Organizatën Botërore të Tregtisë në 2001, e cila ndërthuri ekonominë e vendit me atë të komunitetit ndërkombëtar.

Por reformat politike ishin vënë gjithashtu në një anë dhe ai ishte kritikuar për shtypjen e ashpër të sektit fetar Falun Gong në 1999, i cili ishte parë si një kërcënim për Partinë Komuniste.