Ka vdekur ish-ushtari i UÇK-së, Hasan Hasani.

Këtë e bëri të ditur kryetari i AAK-së, Ramush Haradinaj duke thënë se, Hasani ishte i angazhuar në Luftën Çlirimtare që nga fillimi i saj.

I ndjeri përgjatë luftës kryente detyrën e komandantit të Shtabit Lokal në Smolicë.

Postimi në Facebook i Haradinajt:

Me pikëllim mora lajmin për ndarjen nga jeta të mikut dhe bashkëluftëtarit tim Hasan Hasani nga Smolica.

Hasani ishte i angazhuar në Luftën Çlirimtare që nga fillimi i saj me të gjithë dijen e tij ushtarake dhe kreu me nderë detyrën e komandantit të Shtabit Lokal në Smolicë.

Ngushëlloj familjen, bashkëluftëtarët dhe të gjithë ata që e njohën.

Baci Hasan u prehtë në paqe!

RH.