Ka vdekur Jeton Berisha njëri nga personat që u plagos në një incident me armë në qytetin e Pejës me 22 maj të këtij viti.

Rastin për Express e ka konfirmuar zëdhënësi i Policisë së Kosovës për rajonin e Pejës, Fadil Gashi.

Ai tha se vdekja e tij i është konfirmuar nga QKUK-ja.

“Njëri prej tre të lënduarve në Pejë sot kanë ndërruar jetë. Rasti na është konfirmuar nga QKUK-ja sot”, ka thënë Gashi .

Jeton Berisha u plagos së bashku me dy djemtë e tij në Pejë. Lidhur me këtë rast është arrestuar Agron Gashi.