Ka ndërruar jetë në moshën 90-vjeçare,  profesori universitar, Muhamed Kërveshi.

Lajmi është bërë me dije nga familjarët e tij.

Varrimi i profesorit bëhet nesër (15.02.2025) në varrezat e qytetit të Pejës.

Muhamed Kërveshi lindi në Mitrovicë më 1935. Shkollën fillore e kreu në Pejë, ndërsa gjimnazin në vendlindje. U largua nga Kosova për të studiuar filozofi në Universitetin e Beogradit dhe më pas kreu studimet pasuniversitare në Zagreb.

U rikthye në Kosovë, në Prishtinë, ku mbrojti më pas edhe doktoraturën.Ka dhënë mësim në Fakultetin e Filologjisë të Universitetit të Prishtinës.