Shkrimtari amerikan, Richard N Goodwin i cili ushtroi veprimtarinë e tij në Shtëpinë e Bardhë në Washington, ka ndërruar jetë në moshën 86 vjeçare.

Goodwin njihej për ndihmën e tij të dhënë ndaj presidentëve për të shkruar fjalime historike, siç është ai i Robert Kennedy kundër aparteidit dhe ai i Lindon Johnson referuar të Drejtave Civile, njofton Klan Kosova.

Autori i njohur Richard N Goodwin raportohet se vdiq të dielën në shtëpinë e tij në Conchord në Massachusetts.