Ish-sekretari amerikan i Shtetit, Henry Kissinger, ka vdekur në moshën 100-vjeçare.

Ai shërbeu si diplomati më i lartë i Amerikës dhe këshilltari i sigurisë kombëtare gjatë administratave të Nixonit dhe Fordit.

Në një deklaratë, Kissinger Associates, një firmë konsulence politike që ai themeloi, tha se ish-diplomati me origjinë gjermane vdiq në shtëpinë e tij në Connecticut.

Gjatë karrierës së tij të gjatë prej dekadash, Kissingeri luajti një rol kyç dhe ndonjëherë polarizues në politikën e jashtme të ShBA-së.

Deklarata nga Kissinger Associates nuk dha shkakun e vdekjes së tij.