Vela: Versioni i statutit të Asociacionit është i ngjashëm me atë të Vojvodinës
Blerim Vela, shef i stafit të presidentes Vjosa Osmani, ka reaguar pas takimit të kryeministrit të Kosovës, Albin Kurti me presidentin e Serbisë, Aleksandër Vuçiq, të martën në Bruksel.
Vela përmes një shkrimi në “Twitter”, ka thënë se draft-statuti i prezantuar mbrëmë nga Ekipi Menaxhues është i ngjashëm me atë të Vojvodinës.
“Ekipi Menaxhues i Asociacionit të komunave me shumicë serbe dorëzoi versionin e statutit të Serbisë, i cili është shumë i ngjashëm me statutin e Vojvodinës”, ka shkruar Vela, duke i bashkëngjitur disa fotografi të cilat tregojnë dallimet.
Më tutje, ai ka thënë se me anë të këtij statuti, Serbia po synon që të bëjë rikonstituimin e autoriteteve të Serbisë në Kosovë me qëllim që të zhvlerësojë institucionet.
“Synimi i tyre duket të jetë rikonstituimi i autoritetit autonom të Serbisë në Kosovë, njëlloj si Vojvodina, me qëllim të zhvlerësimit të institucioneve”, ka shkruar Vela.
The ASMM Management Team submitted Serbia’s version of the statute, which is very similar to Vojvodina’s statute.
Their aim seems to be re-constitute Serbia’s autonomous authority in Kosovo, same like Vojvodina, with the aim to nullify the 🇽🇰 institutions.
This ASMM won’t fly! pic.twitter.com/CJINtc12b2
— Blerim Vela (@Blerim_Vela) May 3, 2023