Ministri i Punëve të Brendshme, Agim Veliu ka pritur në takim ministrin e Drejtësisë, Selim Selimi, me të cilin diskutuan për rekomandimet që kanë dalë gjatë procesit të rishikimit funksional për sektorin e sundimit të ligjit (RFSSL).

Në bazë të këtij rishikimi janë vënë në pah rekomandimet që ndërlidhen me integritetin e policisë dhe luftën kundër krimit të organizuar dhe korrupsionit.

Faza e ardhshme e RFSSL-së, do të jetë hartimi i Strategjisë për Rishikimin Funksional të sektorit të sundimit të ligjit 2020-2025, strategji kjo e cila do të bazohet ekskluzivisht mbi temat e trajtuara gjatë fazës së rishikimit dhe rekomandimet e dala nga dokumentet e politikave.

Selimi ka theksuar se rekomandimet do të ndahen në 4 kategori: sigurimi dhe pensionimi i policisë, integriteti i policisë, llogaridhënia e policisë dhe kapacitetet e policisë.

Veliu ka theksuar se disa sa nga këto rekomandime veç janë zbatuar, apo janë në proces të zbatimit.