Kryetarja e Kuvendit, Vjosa Osmani, ka konfirmuar mbrëmë se është duke e shqyrtuar mundësinë e krijimit të një partie të re.

Ndaj këtij paralajmërimi të Osmanit kanë ardhur reagime nga LDK-ja.

Nënkryetari i kësaj partie, Agim Veliu ka thënë se Osmani tash e një kohë të gjatë është kundër partisë që drejtohet nga Isa Mustafa.

“Ajo ka kohë që është jashtë LDK-së me punë dhe veprime. Me trup ka qenë në LDK deri më tash”, ka thënë Veliu pas një takimi që kishte me nënkryetarin tjetër të LDK-së dhe kryetarin e Gjilanit, Lutfi Haziri.

Veliu ka thënë se Osmani nuk mund ta përçajë LDK-në.

“Lidhja Demokratike deri tash është treguar historikisht se nuk mund ta ndajë askush. Mund të ndahen individë, kushdo qofshin, por LDK është vështirë të ndahet”, ka thënë Veliu.