Kryetari i Komunës së Podujevës, Agim Veliu, ka thënë se ish-Presidenti Fatmir Sejdiu,  mund të jetë i pakënaqur pasi që nuk ka dalë fitues në Kuvendin Zgjedhor të LDK-së.

Ai ka thënë se nuk mund të thuhet se janë kërcënuar 355 delegatët e Kuvendit Zgjedhor.

“Ndodhi ajo që është pritur. Ecuria e kuvendit ka qenë shumë e rregullt dhe shumë normale. Është respektuar çdo rregull dhe nuk ka pasur asnjë shkelje. Fatmir Sejdiu mund të jetë i pakënaqur pasi që nuk ka arritur ta fitojë nominimin”.

“Nuk mund të thuhet se janë kërcënuar 355 delegatë të kuvendit Zgjedhor, kjo është e pabesueshme”.