Qeveria e Kosovës ka marr vendim për ndryshimin e pagës së kryeministrit, zëvendëskryeministrave, ministrave dhe zyrtarëve tjerë qeveritarë.

Kështu, me këtë vendim,. paga mujore e kryeministrit do të jetë 2,950 euro, kurse ajo e zëvendëskryeministrave 2500 euro.

Ministrave u është caktuar paga bruto prej 2,000 euro, ndërsa zëvendësit e tyre do të paguhen me nga 1,150 euro në muaj.

Ndërkohë, shefit të stafit të kryeministrit dhe këshilltarit të lartë politik të kryeministrit u është caktuar paga prej 1,670 eurove.

Këshilltarëve politikë të kryeministrit u është caktuar paga 1340 euro, raporton RTV Dukagjini.

Këshilltarët e lartë politik të zëvendëskryeministrave do të paguhen me nga 1,200 euro në muaj, kurse këshilltarët e zëvendëskryeministrave më nga 1,100 euro.

Ndërsa, këshilltarëve të lartë politik të ministrave u është caktuar paga 1050 euro. E, këshilltarët e ministrave do të paguhen 800 euro.

Në këtë vendim të Qeverisë janë caktuar edhe pagat e zyrtarëve tjerë qeveritarë.