Anëtari i Kryesisë së Nismës Socialdemokrate, njëherësh kryetar i saj në Gjakovë, Fazli Hoxha, ka mirëpritur vendimin e Qeverisë së Kosovës që produkteve të importuara nga Serbia dhe Bosnja për në Kosovë t’i vihet taksë prej 100 për qind.

Ai përmes një postimi në llogarinë e vet në “Facebook”, ka shkruar se ky vendim duhet të mbetet në fuqi derisa Serbia të largohet nga mentaliteti i së kaluarës dhe ta pranojë realitetin e ri se Kosova tanimë është shtet i pavarur.

Postimi i plotë i Fazli Hoxhës:

Me propozim të ministrit të Tregtisë dhe Industrisë, z. Endrit Shala, Qeveria e Kosovës ka marrë vendim që të vendoset masa prej 100% ndaj produkteve të importuara me origjinë nga Serbia dhe Bosnja e Hercegovina.
Vendim i qëlluar, i cili duhet të mbetet në fuqi derisa Serbia të largohet nga mentaliteti i së kaluarës dhe të zgjohet nga gjumi e ta kuptojë realitetin e ri se Kosova tanimë është shtet i pavarur.

https://www.facebook.com/photo.php?fbid=2163313967032185&set=a.716901881673408&type=3&eid=ARAy-TEN9PMLr-Gb-bj8rq5un6b5WgTGUcNSAdZB9VMRxVzxLRCu_JoHYs5TsThX3Xf0dllPTx40AI2M