Kryeministri i Shqipërisë,  Edi Rama, ka përshëndetur vendimin e Këshillit të Ministrave të Bashkimit Evropian (BE) për liberalizimin e vizave për Kosovën.

Rama ka thënë se me këtë vendim, BE-ja është duke e hequr nga vetja njollën e turpit ndaj Kosovës.

“Një hap i vonuar padrejtësisht me vite u hodh sot nga BE-ja, e cila më në fund po e heq nga vetja njollën e turpit të trajtimit të Kosovës si të ishte një vend jashtë Evropës!  Urime jo vetëm Kosovës, po edhe Bashkimit Evropian”, ka shkruar Rama në “Facebook”.

Këshilli i Ministrave i BE-së miraton me unanimitet liberalizimin e vizave për Kosovën