Jan Vertonghen, lojtari me më shumë paraqitje në historinë e Belgjikës, ka njoftuar tërheqjen e tij nga futbolli ndërkombëtar.

Mbrojtësi 37-vjeçar, i cili bëri tre paraqitje për skuadrën e Domenico Tedesco në Euro 2024 ka thënë se nuk e shihte turneun e kësaj vere si të fundit përpara ndeshjes hapëse të Belgjikës kundër Sllovakisë.

Duke postuar në Instagram mëngjesin e sotëm (e premte), ai konfirmoi vendimin e tij.

“E para, e fundit. Faleminderit për të gjitha kujtimet, kam jetuar ëndrrën time”, ka shkruar shkurtimit Vertonghen në postimin, ku ka bashkangjitur edhe dy fotografi.

Në fakt, nga të gjithë lojtarët në Euro 2024, vetëm Cristiano Ronaldo [Portugali – 207] dhe Luka Modric [Kroacia – 175] kanë përfaqësuar më shumë vendet e tyre.

Federata Belge e Futbollit reagoi gjithashtu ndaj lajmit në rrjetet sociale, duke thënë: “Nga terreni stërvitor në fushë, ju na keni treguar se çfarë do të thotë të jesh një ‘Djall i Kuq’ i vërtetë. Do të na mungosh, Jan!”.

Vertonghen luajti plot 90 minuta në humbjen e 1/8-tës ndaj Francës, pasi shënoi një autogol për të vulosur fatin e tyre.