Kandidatja për deputete e Partisë Demokratike të Kosovës (PDK), Vesa Broja, ka qëndruar në konakun e familjes Mustafa në Mitrovicë, ku ka marrë mbështetje për zgjedhjet parlamentare të 9 shkurtit.

Ajo ka thënë se bisedat me këtë familje janë frymëzuese për të vazhduar rrugëtimin për një Kosovë më të mirë.

“Familja Mustafa tregoi se forca e vërtetë është tek njerëzit e thjeshtë dhe të sinqertë. Bisedat me ta ishin frymëzim për të vazhduar rrugën tonë me vendosmëri dhe besim”, ka shkruar Broja në “Facebook”.

Vesa Broja është një emër i respektuar në Mitrovicë dhe në listën e PDK-së për deputete mban numrin 38.