![](https://www.epokaere.com/wp-content/uploads/2024/08/vesel-limaj.png)
Vesel Limaj i bashkohet Malishevës
Klubi i Malishevës ka qenë goxha aktive në merkaton e verës.
Pas suksesit të arritur gjatë sezonit të kaluar, Malisheva kërkon që ta përsëris të njëjtin edhe këtë edicion.
Më trajnerin e ri, Bekim Isufi në krye dhe me lojtarë të rinj, malishevasit synojnë që të befasojnë edhe një herë në Superligën e Kosovës.
Mirëpo për ta bërë këtë duhen transferime cilësore. Kështu edhe po “ia bën” Malisheva, e cila gjatë ditës së sontme ka zyrtarizuar edhe mesfushorin, Vesel Limaj.
Limaj, i cili së fundmi ishte pjesë e Ballkanit, gjatë kësaj merkatoje ishte kërkuar edhe nga Drita, mirëpo që në fund vendosi për klubin malishevas.
Mesfushori Limaj nuk pati minutat e duhur te skuadra e drejtuar nga Ilir Daja, andaj edhe u nda me tre herë kampionin e Kosovës.
Malisheva pas dy ndeshjeve të para ka një barazim e një fitore, atë ndaj Llapit.
Ndërkohë, Limaj ende s’është paraqitur në edicionin e ri të Superligës së Kosovës në futboll.