Pavarësisht prej takimeve të shpeshta në ditët e fundit, liderët shtetërorë nuk kanë arritur t’i bashkojnë qëndrimet sa i përket dialogut, përkatësisht idesë për korrigjimin e kufirit me Serbinë.

Kryeministri Ramush Haradinaj edhe një herë e ka kundërshtuar këtë ide, duke thënë se nuk do të jetë pjesë e asnjë tavoline ku diskohet çështja e kufirit dhe territori i Kosovës, shkruan gazeta “Epoka e re”.

Edhe lideri i PDK-së, njëherësh kryetar i Kuvendit të Kosovës, Kadri Veseli, është shprehur kundër korrigjimit të kufirit me Serbinë, duke thënë se shteti, sovraniteti dhe integriteti territorial i Kosovës janë të shenjtë.

Ai ka theksuar se askush nuk ka të drejtë, legjitimitet dhe forcë që të bëjë pazare me Serbinë në dëm të Kosovës.