Kryetari i Kuvendit të Republikës së Kosovës, Kadri Veseli, ka pritur sot në takim një delegacion të disa partive opozitare në Shqipëri, të kryesuar nga Fatmir Mediu, kryetar i Partisë Republikane.

Kryeparlamentari Veseli dhe përfaqësuesit politikë nga Tirana kanë diskutuar për zhvillimet politike në Kosovë e Shqipëri, sfidat me të cilat po përballen të dyja vendet në proceset zhvillimore e euro-integruese, si dhe për avancimin e marrëdhënieve të mëtejme midis dy vendeve.

Bashkëbiseduesit kanë shtruar nevojën e një bashkëpunimi më të thellë në të gjitha fushat dhe në kapërcimin e sfidave të përbashkëta në rrugën e integrimeve euro-atlantike.

Gjatë takimit janë shkëmbyer informacione dhe ide për zhvillimet e përgjithshme politike e ekonomike në Shqipëri e Kosovë.

Kryeparlamentari Veseli, pasi ka shprehur mirënjohje për mbështetjen e dhënë nga Shqipëria ndër vite, ka thënë se e ardhmja e përbashkët e të dyja vendeve është në Bashkimin Evropian.

Përfaqësuesit e partive opozitare nga Shqipëria e kanë falënderuar kryeparlamentarin Veseli për mirëpritjen dhe bashkëpunimin e vazhdueshëm me gjitha forcat politike shqiptare.

/Epoka e re/