Kryetari i Kuvendit të Republikës së Kosovës, Kadri Veseli, ka thënë të premten në aktivitetin tradicional “Mini-Olimpiada 2019” për personat me nevoja të veçanta se mbështetja institucionale për këtë kategori do të jetë edhe më e madhe në të ardhmen.

Në këtë aktivitet të organizuar në Vushtrri nga Komiteti Paraolimpik i Kosovës, kryeparlamentari Veseli u ka bërë ftesë personave me nevoja të veçanta që të marrin përgjegjësi në institucione.

Ai ka thënë se të gjithëve do t’u jepet hapësirë dhe mundësi e barabartë, duke uruar ata për suksese të reja si në garat vendore, ashtu edhe në ato të nivelit ndërkombëtar.

“Do t’ju japim mundësi dhe shanse të gjithë juve. Pres që nga ju në garat paraolimpike të jeni kampionë, jo vetëm në Kosovë por dhe në botë”, ka thënë Veseli.

/Epoka e re/