Kryetari i Partisë Demokratike të Kosovës (PDK) dhe kandidati për kryeministër, Kadri Veseli, në ditën e tretë të fushatës elektorale ka mbajtur një tubim në Komunën e Kaçanikut.

Para një numri të madh të të pranishmeve në këtë tubim, Veseli ka thënë se kaçanikasit kanë vendosur se kënd e duan për kryeministër.

“Shumë energji pozitive, shumë entuziazëm, shumë qytetarë në çdo tubim të Partisë Demokratike të Kosovës. Kaçanikasit kanë vendosur se kënd e duan për kryeministër. Ata e dinë se ne jemi të vetmit që do t’i promovojmë të rinjtë dhe do u japim mundësi të vërteta për sukses atyre. Ata e dinë sa e rëndësishme është për Kosovën që Kryeministër të jetë dikush që di ta forcojë partneritetin me Shtetet e Bashkuara të Amerikës dhe që e ka përvojën e nevojshme për ta bërë këtë”.

“Zgjedhja është më e qartë se kurdoherë këto ditë: një qeveri në krye më PDK-në që e forcon bashkëpunimin me ShBA-në për të luftuar korrupsionin dhe për të ndërtuar një ekonomi të fortë ose një koalicion të dobët të izolimit dhe korrupsionit, që nuk ia sjellë asnjë të mirë Kosovës. Votoni Partinë Demokratike të Kosovës dhe numrin 112. Votoni për një të ardhme më të mirë për qytetarët, për Kosovën!”, ka shkruar Veseli në llogarinë e vet në “Facebook”.

/Epoka e re/