Kryetari i Kuvendit, Kadri Veseli e ka cilësuar të trishtueshëm lajmin për shembjen e Hotel ‘Adriatikut’ në Mitrovicë.

Veseli ka kërkuar nga organet përgjegjëse të bëjnë të pamundurën për të shpëtuar jetën e qytetarit që ka mbetur në ndërtesë.

“I trishtueshëm lajmi për shembjen e hotel Adriatikut në Mitrovicë. Kërkoj nga organet përgjegjëse të bëjnë të pamundurën për të shpëtuar jetën e qytetarit që ka mbetur në ndërtesë. Inspektoratet përkatëse që kanë për obligim të mbikqyrin sigurinë e ndërtesave duhet të japin përgjegjësi kur jeta e qytetarëve vihet në rrezik”, ka shkruar Veseli në profilin e vet në “Facebook”.

Ekipet e shpëtimit dhe FSK janë duke i vazhduar kërkimet edhe pse me vështirësi të mëdha për shkak të natës.

Në ndërkohë raportohet se objekti rrezikon të rrënohet edhe më shumë.