Kryetari i Kuvendit të Kosovës dhe lideri i PDK-së, Kadri Veseli, në një intervistë për gazetën austriake “Der Standard”, ka folur për liberalizimin e vizave për Kosovën.

Ai ka shprehur kritika në drejtim të Bashkimit Evropian (BE) për qasjen ndaj Kosovës.

Sipas tij, është e pakuptueshme që të mos hiqen vizat kur të gjitha kushtet e kërkuara janë plotësuar.

“Ku është dinjiteti i BE-së, ku janë vlerat?”, ka pyetur ai.

“BE duket se është në një krizë të madhe, sepse një vend në Evropë me 1.7 milion banorë, që janë shumë proevropianë, tani duhet të paguajë për këtë krizë”, është shprehur Veseli.