Kryetari i Kuvendit të Kosovës, Kadri Veseli, i ka shprehur ngushëllime familjes Kurti dhe komunitetit të artistëve me rastin e vdekjes së aktorit Art Kurti.

“Si një mysafir i ‘O Sa Mirë’, kam kaluar momente të jashtëzakonshme me të gjithë aktorët, me stafin e serialit, përfshirë Art Kurtin, i cili sot paska ndërruar jetë. Një lajm ky tejet pikëllues. Ngushëllime familjarëve, kolegëve nga komuniteti i artistëve dhe gjithë miqve të tij”, ka shkruar Veseli në llogarinë e vetë në “Facebook”.