Kryetari i Kuvendit të Kosovës, Kadri Veseli, ka vizituar të martën familjen e veprimtarit të çështjes kombëtare, Adem Demaçi.

Kjo vizitë e Veselit ka ndodhur me rastin e festës së Kurban Bajramit.   “Festa e Bajramit është edhe një rast më shumë të takojmë familjarët tanë dhe miqtë. Sot pata kënaqësinë të vizitoj familjen e veprimtarit tonë, heroit Adem Demaçi. Kujtuam veprën dhe jetën e tij kushtuar kombit. Historia e jetës së tij është burim frymëzimi për ne dhe gjeneratat që do të vijnë”, ka shkruar Veseli në llogarinë e vet në “Facebook”.

/Epoka e re/