Kryetari i Kuvendit të Kosovës, Kadri Veseli, është shprehur i pikëlluar pas vdekjes së senatorit amerikan, John McCain.

Përmes një postimi në llogarinë e vet në “Facebook”, Veseli ka thënë se Kosova ka qenë e bekura që ka pasur miq të tillë si McCain.

“Vitin e kaluar në Kuvendin e Kosovës kishim nderin të presim senatorin John McCain, mikun e madh të lirisë dhe pavarësisë sonë. I ruaj të paharrueshme mbresat e veçanta nga takimi me të. Një mendje briliante që me pak fraza zbërthente edhe problemet më komplekse të kohës sonë. Kosova ka qenë e bekuar duke pasur miq të tillë si senatorin McCain. Vdekja e tij na ka pikëlluar të gjitheve. Prehu në paqe miku ynë i madh e i paharruar”, ka shkruar Veseli.