Kryetari i Partisë Demokratike të Kosovës, Kadri Veseli në 22-vjetorin e Epopesë së Ushtrisë Çlirimtare të Kosovës, ka bërë homazhe në Kompleksin memorial të Jasharajve në Prekaz.

Nëpërmjet postimit në llogarinë e vet në “Facebook”, Veseli ka thënë se Prekazi është referenca e çdo edukimi patriotik dhe Ushtria Çlirimtare e Kosovës është vlera historike që i flet secilës gjeneratë.

“Për nderime në Prekaz, në 22 vjetorin e Epopesë së UÇK-së. Flijimin për lirinë dhe të ardhmen e Kosovës më së qarti e tregon sakrifica e Familjes Jashari. Prekazi është referenca jonë e çdo edukimi patriotik dhe Ushtria Çlirimtare e Kosovës është vlera historike që i flet secilës gjeneratë. Lavdi e përjetshme për të gjithë të rënët e lirisë!”, ka shkruar Veseli.

/Epoka e re/