Kryetari i PDK-së, Kadri Veseli ka shprehur ngushëllime me rastin e ndarjes nga jeta të artistes Violeta Rexhepagiqi.

Me këtë rast, Veseli ka ngushëlluar familjen Rexhepagiqi dhe kolegët e Violetes.

Kryetari i Partisë Demokratike të Kosovës (PDK), Kadri Veseli, ka thënë se vdekja e parakohshme e artistes Violeta Rexhepagiqi, e bën edhe më të dhimbshme ikjen e saj nga kjo botë.

“Vdekja e parakohshme e artistes Violeta Rexhepagiqi e bën edhe më të dhembshëm largimin e saj. Violeta kishte filluar të merrej me muzikë qysh në fëmijëri. Origjinaliteti, kreativiteti dhe guximi, janë vetëm disa nga cilësimet e profilit të saj artistik shumë kompleks e avangardë”.

“Me artin e saj si kompozitore, këngëtare dhe shkruese e teksteve, ajo la gjurmë shumë të rëndësishme e në kohëra shumë të vështira. Edhe si gazetare ajo e prezantoj të vërtetën e Kosovës në media të ndryshme të botës, kur tek ne e vërteta censurohej gjithandej. E kam njohur edhe personalisht si gazetare shumë profesioniste, të drejtë e të përkushtuar. Ngushëllime familjes, fansave të saj dhe artdashësve”, ka shkruar Veseli në llogarinë e vet në “Facebook”