Para pak çastesh, në aksin rrugor Gjakovë-Prizren, në fshatin Piranë ka ndodhur një vetaksident trafiku. Ngasësi i veturës ka humbur kontrollin dhe është vetaksidentuar, duke goditur një shtyllë elektrike që ishte e vendosur në njërën anë të rrugës.

Në këtë vetaksident ka mbetur i lënduar personi V.M nga fshati Medvec dhe bashkëshortja e tij, të cilët ishin duke i kthyer nga ambulanca e Krushës së Madhe.

Pas aksidentit, policia ka dalë në vendin e ngjarjes ndërsa emergjenca ka ardhë me mbi 30 minuta vonesë ku më pas personat janë dërguar me emergjencë për spitalin e Prizrenit.

Në disa foto të siguruara nga “Epoka e re” të cilat i ka bërë kandidati për deputet nga radhët e PDK-së, Nait Hasani i cili edhe ka asistuar duke i ndihmuar të aksidentuarit bashk me ekipin emergjent mjeksor, shihen pamjet e rënda dhe personave të përgjakur në këtë aksident që ndodhi në Piranë.