Vetëm 49 të vaksinuar gjatë 24 orëve të fundit
03 prill 2022
| 15:07
Ministria e Shëndetësisë (MSh) ka njoftuar se gjatë 24 orëve të fundit janë dhënë 49 doza të vaksinës kundër Covid-19.
Po ashtu, kjo ministri ka njoftuar se gjatë kësaj periudhe kohoren ka vdekur një person dhe janë raportuar 19 raste të reja me Covid.
“Prej fillimit të vaksinimit në të gjitha qytetet e Kosovës janë dhënë 1.822.698 doza të vaksinës. Deri më sot 820.678 qytetarë janë vaksinuar me dozën e dytë. Deri më sot janë dhënë 100.224 doza përforcuese dhe doza të treta të vaksinës kundër Covid-19”, ka njoftuar MSh-ja.