Një grup ushtarësh të dikurshëm britanikë, të cilët shërbyen në Kosovë si pjesë e kontingjentit të KFOR-it, janë kthyer në Kosovë pas një çerek shekulli për të ribashkuar me vendin që kishin ndihmuar të çlirohet.

Vizita e tyre, e cila u mundësua me ndihmën dhe koordinimin e Forcës së Sigurisë së Kosovës (FSK), ka shërbyer si një udhëtim emocional përgjatë vendndodhjeve ku ata qëndruan në atë kohë pas përfundimit të konfliktit.

Në një falënderim të ngrohtë dhe mirënjohje ndaj pritjes dhe mikpritjes së FSK-së, Ministria e Mbrojtjes në Mbretërinë e Bashkuar ka shprehur mirënjohjen e saj.

“Faleminderit shumë Forcës së Sigurisë së Kosovës (FSK) për pritjen tonë të ushtrisë britanike dhe veteranëve britanikë. Ne ndoqëm rrugën e marrë nga NATO 25, vjet më parë nëpër ura dhe tunele dhe drejt Prishtinës, duke takuar miq të vjetër (dhe të rinj) gjatë rrugës”, thuhet në njoftimin e Mbrojtja e Mbretërisë së Bashkuar në Kosovë.

Kthimi i këtyre ushtarëve të dikurshëm nëpër vendet ku kanë shërbyer ka qenë një kujtesë e gjallë e ndikimit dhe kontributit të tyre në ndërtimin e paqes dhe stabilitetit në rajon.

Gjithashtu, ky rikthim ka simbolizuar lidhjet e forta dhe partneritetin e vazhdueshëm mes Kosovës dhe Mbretërisë së Bashkuar.

Faleminderit shumë @KSF_Kosova 🇽🇰for hosting our @BritishArmy 🇬🇧veterans so well today!

We followed the route taken by #NATO 25 years ago across bridges and through tunnels and on towards #Pristina, meeting old (and new) friends along the way. @TheParachuteReg @16AirAssltBCT pic.twitter.com/2qGpHChXU7

— UK Defence in Kosovo (@UKDefenceKosovo) June 11, 2024