Ky është momenti kur raketat ruse godasin qytetin ukrainas Sumy. Si pasojë e sulmit, të paktën 34 persona u vranë dhe 117, duke përfshirë 15 fëmijë u plagosën.

Një shtetas ukrainas, i cili ndodhej në vendngjarje, regjistroi sulmin vdekjeprurës.

Raketat goditën pranë kishës, ndërsa dhjetëra besimtarë ishin mbledhur për lutje. Në pamjet tronditëse, njerëzit, shumë prej të cilëve të moshuar, shihen duke vrapuar në panik për të shpëtuar jetën, ndërsa disa janë përfshirë nga vala goditëse e shpërthimeve.

Sumy ndodhet vetëm 25 kilometra nga kufiri rus dhe është një qendër strategjike për ushtrinë ukrainase.