Kombëtarja e Kosovës do t’i ketë dy sfida të rëndësishme në këtë muaj me Islandën, përmes së cilave do ta kuptojë nëse në edicionin e ri do të jetë pjesë e Ligës B apo C në Ligën e Kombeve.

E si gjithmonë, futbollistët e Kosovës do t’i kenë prapa edhe tifozët besnikë – Dardanët.

Këta të fundit përmes një videoje të shkurtër i kanë dhënë motiv ekipit kombëtar.

“Luajmë si një ekip. Një komb. Çdo njeri, çdo moment, çdo minutë. Ne jemi Dardanët. Ne jemi Kosova”, është thënë në videon e tifozëve zyrtarë të Kombëtares.