Me afrimin e afatit kalimtar të verës, në mediat botërore kanë nisur sërish historitë për kalimin e Kylian Mbappe në Real Madrid.

Ylli i PSG-së është thënë se nuk është shumë i kënaqur me gjendjen e klubit të tij, i cili gjithnjë e më shumë po sillet si ‘telenovelë’ dhe jo si një klub futbolli.

Tifozët po protestojnë duke kërkuar largimin e yjeve kryesorë dhe PSG nuk arrin dot të bëjë depërtimin përfundimtar në Ligën e Kampionëve. Mediat franceze shkruajnë se tensionet mes Mbappes dhe kryesisë së PSG-së po shtohen edhe pse klubi e ka bërë të qartë se lojtari i tyre më i mirë nuk është në shitje.

Reali nuk ka nevojë për Mbappe

Megjithatë, u shfaq sërish historia se francezi mund të kalojë te Real Madridi, i cili po përgatitet dalëngadalë për largimin e Karim Benzemas, por Marca i ka mohuar me forcë pretendimet e tilla, duke thënë se nuk ka asnjë shans që Mbappe të shkojë në “Santiago Bernabeu”.

Nga askund, ajo histori u shfaq përsëri, por situata është plotësisht e qartë. Reali nuk do të sjellë Mbappen, nuk ka nevojë për të, dhe shefat e klubit nuk duan t’i paguajnë PSG-së asnjë cent. Nuk ka asnjë opsion në të cilin Mbappe do të vinte në Real Madrid këtë verë, shkruan “Marca”.

Mediumi i njohur po ashtu shkruan se në Madrid, ata tashmë kanë megayllin e tyre. Ai quhet Vinicius Junior dhe drejtorët e klubit besojnë se braziliani është më i mirë se Mbappe dhe duan të ndërtojnë gjithçka rreth tij.

Në Real, ata besuan te Vinicius edhe kur ai ishte objektivi i kritikave, dhe tani ata e kanë atë besim të kthehet shumë herë.

Mbappe,  përfundimisht mund të vijë vetëm si lojtar i lirë

Mbappe vazhdon të jetë interesant për Real Madridin. Po, jo në formën e një transferimi që do të kushtonte qindra milionë euro. Në Madrid, ata po monitorojnë situatën dhe do të përpiqen ta sjellin atë nëse mbetet lojtar i lirë, për të shmangur pagimin e një kompensimi të madh.

Vinicius Junior, i cili do të mbushë 23 vjeç në korrik, erdhi te Reali në verën e vitit 2018 nga Flamengo për 45 milionë euro.

Deri më tani ka luajtur 221 ndeshje dhe ka shënuar 59 gola me 64 asistime. Këtë sezon ai shkëlqeu me 23 gola dhe 21 asistime në 51 ndeshje.