Këshilli Gjyqësor i Kosovës (KGjK) ka emëruar me shumicë votash  Violeta Husaj-Rugova dhe Ramush Bardiqin, si anëtarë të ri të Panelit Zgjedhor për Ankesa dhe Parashtresa (PZAP).

Husaj-Rugova ka marrë dhjetë vota nga anëtarët e KGjK-së, ndërsa Bardiqi tetë vota.

Anëtarja e re e PZAP-së është gjyqtare në Gjykatën e Apelit, ndërsa Bardiqi është gjyqtar në Gjykatën Komerciale.

Mandati i tyre është 4-vjeçar.

Pjesë e garës për anëtar të PZAP-së ishin edhe gjyqtarët, Ramiz Kuqi, Liridon Maloku dhe Faton Bajrami.