Shumë ekspertë besojnë se ne kurrë “nuk do të heqim qafe” koronavirusin sepse virusi pëson mutacion pa pushim, dhe infeksioni mund të ndodhë pavarësisht vaksinimit.

Gjithashtu, një infeksion me koronavirus është shmangur sa më shumë që ka qenë e mundur që nga fillimi i pandemisë.

Por virologu gjerman Christian Drosten tani është në favor “të dëshirës për t’u infektuar me virusin”, pas vaksinimit.

“Qëllimi im, se si do të doja të bëhesha imun tani, është: Unë dua të kem një imunitet të vaksinës, dhe pastaj, duke ‘qëndruar me të’, unë dua të kem infeksionin tim të parë të përgjithshëm dhe të dytin”, ka treguar ai.

Sipas tij, infeksioni me koronavirus pas vaksinimit është “i arsyeshëm” për shkak të shfaqjes së imunitetit afatgjatë.

“Imuniteti rezistent për popullatën mund të arrihet vetëm përmes kontaktit të vazhdueshëm me koronavirusin”, ka shpjeguar Drosten në një intervistë me “NDR” (një transmetues publik i radios dhe televizionit), përcjell “Telegrafi”.

Në këtë drejtim, virologu Drosten ka thënë se është mirë të marrësh vaksinën dhe më pas të infektohesh me koronavirus, sepse kjo është mënyra e vetme që ne të bëhemi imunë afatgjatë, ndërsa virusi do të mund të shfaqet çdo disa vjet.

“Si një i rritur i shëndetshëm i cili është vaksinuar dy herë kundër virusit, ata mund të marrin përgjegjësinë për rrezikun. Sidoqoftë, kjo nuk vlen për grupet e tjera të popullsisë”, ka thënë Drosten, duke folur për rrezikun e infeksionit.