Ministri i Shëndetësisë, Arben Vitia, i ka uruar shërim të shpejt shefes së Grupit Parlamentar të LV-së, Mimoza Kusari-Lila, pas zbulimit të hershëm të kancerit të gjirit.

Në një postim në “Facebook”, ai ka bërë thirrje që të gjitha vajzat dhe gratë të kenë sa më shumë kontrolla për identifikim të hershëm të kancerit të gjirit.

“Shërim të plotë e kthim të shpejtë në aktivitetet që udhëheq! Qofsh çdo herë e fortë si deri më sot! Të dashura gra e vajza, me këtë rast i bashkohem thirrjes së Mimozës për kontrolla të rregullta siç është mamografia. Zbulimi i hershëm i kancerit të gjirit jo vetëm shpëton jetë por edhe pasojat janë minimale”, ka thënë Vitia.