Faton Abdullahu

Po ta kishim qeverinë e re dhe po ti kishim gjithë mekanizmat përcjellës të krijuar dhe aktivë, vizita e përfaqësuesit të lartë të BE-së për Punë të Jashtme dhe Politikë të Sigurisë, Josep Borrell, përkundër të gjithave, do të ishte edhe e rëndësishme edhe serioze.

Kështu si qëndron puna Borrellin në njëfarë mënyre sot në Kosovë, as nuk ka kush ta pres, as nuk ka ku vjen, sepse subjekti më i rëndësishëm që koordinon raportet tona me BE-n, kryeministri dhe qeveria me ministritë përkatëse mungojnë. Presidenti as nuk e ka për detyrë as nuk mund ta kompensoj këtë mangësi.

Krejt çfarë do të ndodhë është ajo se çështjet e reja mbi raportet BE-Kosovë, do të shtyhen për më vonë, deri sa të themelohet qeveria e re.

Për arsyen e njëjtë edhe ato të vjetra do të presin rrethana të reja për tu rikonsideruar. Devalvimin që ja bën kësaj vizite fakti se nuk kemi qeveri të re dhe atë që e kemi është në largim dhe pa kompetenca të plota, është vetëm një nga shumë të këqija që po i ndodhin këtij vendi tinëz dhe pahetueshëm, për shkak të tinëzarëve që vazhdojnë të jenë të pasinqertë me njëri tjetrin për ta themeluar qeverisë dhe ecur përpara