Komiteti për komunitete ka vizituar tri lokalitete, ku jetojnë komunitetet minoritare, në Banjë, Malishevë dhe Kijevë, me qëllim që të njihen nga afër me gjendjen social-ekonomike dhe me kërkesat e tyre.

Mirëpo, disa ditë më parë Komuna e Malishevës kishte filluar me realizimin e projektit për ndërtimin e shtëpive.

Përfituese e këtij projekti ishte familja e Rrahman Kovaçit, e cila jeton në fshatin Banjë në kushte jo të mira të banimit.

Shtëpia e cila tashmë u ndërtua, është vizituar edhe nga anëtarët e Komitetit për komunitete si trup e Kuvendit të Komunës së Malishevës, ku u ndanë të kënaqur me punët e deritanishme të kryera.

Anëtarët e Komitetit për komunitete, vizitën e vazhduan edhe në Malishevë e Kijevë, për t’u njoftuar me gjendjen e banorëve të komuniteteve minoritare në lokalitetet ku jetojnë, në Malishevë e Kijevë.

/Epoka e re/