Shkencëtarët kanë zhvilluar aplikacionin që ruan jetëgjatësinë e baterisë në telefonin tuaj. Kemi parë se si kompanitë e ndryshme kanë dalë me metoda të ndryshme për të kursyer jetëgjatësinë e baterisë në telefona. Megjithatë, kjo zakonisht vjen në kurriz të performancës dhe funksionalitetit.

Mirëpo duket se në Universitetin e Waterloo, studiuesit kanë arritur në të vërtetë të krijojnë një app që do të zgjasë jetën e baterisë në telefon pa ndikim në performancën. Ky aplikacion është i dizajnuar më shumë për telefonat “Android”, për shkak të përshtatshmërisë me sistemin.

Në thelb, ajo që bën ky aplikacion është se sa herë që aplikacionet janë të hapura përmes shumë dritareve, do të zvogëlohet niveli i ndriçimit të aplikacioneve jo kritike, gjë që do të ndihmojë në zvogëlimin e sasisë së baterisë që tregon ekrani i telefonit.

Kshirasagar Naik, profesor në Fakultetin e Inxhinierisë Elektrike dhe Kompjuterike, ka treguar se si ndodh kjo. “Ne kemi zhvilluar një aplikacion që përdoruesit mund të instalojnë në pajisjet e tyre dhe të përdorin për të zvogëluar ndriçimin e aplikacioneve jo kritike. Pra, kur jeni duke bashkëvepruar me një aplikacion, ndriçimi i dritares tjetër zbret duke reduktuar konsumin e energjisë të pajisjes ”, ka thënë Naik.

Bazuar në testimin e aplikacionit të tyre me 200 përdorues, është zbuluar se aplikacioni arriti të zgjasë jetëgjatësinë e baterisë deri në një minimale prej 10%, dhe maksimalisht në 25%.

Për fat të keq, aplikacioni nuk mund të shkarkohet nga publiku për momentin dhe për më shumë ka edhe kufizime për aplikacionin, pasi që funksionon vetëm në OLED dhe jo LCD. Sidoqoftë, është një tipar interesant që le të shpresohet se “Google” ose OEM të tjerë të “Android” do të marrin në konsideratë si një tipar në të ardhmen./lexo.al