Ministri i Shëndetësisë, Arben Vitia, priti sot në takim të ngarkuarin me punë të Ambasadës së Japonisë në Kosovë, Keisuke Yamanaka.

Gjatë takimit u bisedua për bashkëpunimin e deritashëm dhe rritjen e bashkëpunimit në sektorin e shëndetësisë.

“Japonia është prej vendeve mike që ka ofruar një mbështetje të çmuar në sektorin e shëndetësisë, veçmas në vitet e fundit gjatë ballafaqimit me pandeminë Covdi-19. Përveç mbështetjes me pajisje për spitale e masa mbrojtëse gjatë pandemisë, ka bërë dhe studim për vlerësimin e nevojave për asistencë teknike në sektorin e shëndetësisë”, ka njofuar MSH-ja.

Ministri Vitia i shprehi ambasadorit Yamanaka, mirënjohjen për mbështetjen e deritanishme dhe gatishmërinë e Ministrisë së Shëndetësisë për thellim dhe zgjerim të bashkëpunimit në të ardhmen.