Vllaznia e Pozheranit ka zyrtarizuar gjashtë futbollistë të transferuar së fundmi. Katër prej tyre vijnë nga Vushtrria, një nga Dardana dhe një tjetër nga Istogu.

Kujtim Pantina, Armend Kastrati, Petrit Tahiri, Ismet Caka, Rinor Karaxha dhe Leutrim Teplani janë ardhjet e fundit në klubin pozheranas.

Futbollistët janë prezantuar nga drejtori sportiv i kësaj skuadre Agron Pira, teksa janë zyrtarizuar edhe në faqen zyrtare të klubit. Pozheranasit kanë paralajmëruar gjithashtu edhe përforcime të tjera, kurse trajner i kësaj skuadre është emëruar Erdin Hashani.