Këtë të enjte është votuar projektbuxheti i Komunës së Gjilanit për vitin 2025.

Projektbuxheti është votuar pas debateve të ashpra në mes të pozitës dhe opozitës, ku në fund janë përfshirë edhe ndryshimet-propozimet nga këshilltarët komunalë.

Votimi i projektbuxhetit në fund është përcjell me duartrokitje, pasi në rast se do të dështonte që i njëjti të miratohej deri nesër (e premte), Komuna e Gjilanit do të rrezikonte të shkonte në zgjedhje për asamble komunale.