Policia e Kosovës ka njoftuar se ka gjobitur një shofer i cili ka kryer kundërvajtje në trafik.

Sipas policisë më 01.06.2023, rreth orës 22:00, në rrjetin social “Facebook” është postuar një video ku një person shihej duke e vozitur veturën e tij me shpejtësi 156 km/h, në zonën 50 km/h.

“Me datën 01.06.2023, rreth orës 22:00, në rrjetin social Facebook, është postuar një video ku një person shihej duke e vozitur veturën e tij me shpejtësi 156 km/h, në zonën 50 km/h. Pas një pune hetimore njësiti relevant policor ka arritur të identifikojë kundërvajtësin, i cili ka pranuar se me datën 30.04.2023 me automjetin VW Golf ka kryer kundërvajtjen ‘tejkalim i shpejtësisë’. Nga patrulla policore kundërvajtësit në fjalë i është shqiptuar gjobë 300 euro, sipas ligjit 05/L-088, nenit 56 paragrafi 2, tri pikë negative, si dhe i është konfiskuar patentë shoferi për tre muaj”, ka njoftuar Policia e Kosovës.