Sot rreth orës 04:00 në fshatin Senokos të komunës së Dollnenit, policia ka ndaluar një të mitur dhe një 21-vjeçar, nën dyshimin se kanë kryer veprën penale “Vrasje e rëndë”.

Ky rast lidhet me vrasjen e një 14 vjeçari nga Prilepi i Maqedonisë së Veriut.

Alsat shkruan se me datë 29.02.2024 në ora 19:37 në Drejtorinë për Punë të Brendshme Prilep është raportuar se në Bulevardin “Goce Dellçev”, një person është konstatuar me lëndime, më pas është dërguar në Spitalin e Qytetit të Prilepit, ku nga ana e mjekut është konstatuar vdekja.

“Punonjësit policorë së bashku me prokurorin publik kanë kryer ekspertizë në vendin e ngjarjes, ndërsa me urdhër të gjykatës është kontrolluar në shtëpinë e të miturit në fshatin Senokos, gjatë së cilës janë gjetur dhe konfiskuar sendet me të cilat është kryer krimi”, njofton tutje Alsat.