Një shqiponjë tullace është qëlluar nga foleja e saj në Arkansas dhe autoritetet  atje kanë ofruar një shpërblim prej 6 000 dollarësh për gjetjen e personit që e ka vrarë atë.

Zogu, i cili është simboli kombëtar i ShBA, ka ngordhur më 28 mars.

Trupi saj është dërguar në kopshtin  zoologjik “Little Rock”, ku personeli ka zbuluar se kishte plagë të shkaktuara nga arma e zjarrit.

Shqiponja femër ishte gjetur pranë një foleje dhe besohet se zogu ishte duke u kujdesur për “shtëpinë” e saj, në momentet që është qëlluar.

Kjo ngjarje ka shkaktuar zemëratën e gjithë popullatës, të cilët kërkojnë identifikimin e autorit dhe dënimin e tij.

Shqiponja tullace është një zog i madh, i lindur në Amerikën e Veriut dhe ka qenë simboli kombëtar dhe maskota e këtij vendi që nga viti 1782.

Zogu nuk është tullac, pavarësisht emri i tij, por koka e bardhë në trupin e errët  krijon një iluzion të tillë  nga distanca.

Dënimi maksimal për vrasjen e një shqiponjës tullace është një gjobë prej 5.000 dollarë ose një vit burgim.