Një shqiptar është vrarë në Greqi mëngjesin e së hënës. Dyshohet se vrasja ka ndodhur si pasojë e prishjes së pazareve të drogës.

Ngjarja tragjike ka ndodhur në Athinë.

Mediet shqiptare kanë raportuar se viktima është 23-vjeçari, Koço Myftari.

Rasti në fjalë është duke u hetuar nga autoritetet greke.

Sipas policisë, në orën 05:30 të mëngjesit 23-vjeçari është dërguar në gjendje të rëndë në spitalin e Athinës “Evangjelizmos”, me plagë të rënda të shkaktuara me thikë.

Dyshohet se autoritetet i kanë ndaluar dy persona të cilët e transportuan viktimën në spital.

Mjekët e kanë futur direkt në sallën e operimit, por nuk kanë mundur ta shpëtonin.

I dyshuari deri më tani nuk është gjetur.

Kësaj familje i kishte ndodhur edhe një tragjedi para katër vjetësh.

Në vitin 2019 familjes Myftari i ishte ekzekutuar edhe një djalë në Gjermani.

Rasti është duke u hetuar nëse vrasja e vëllezërve ka lidhje me njëra – tjetrit.